Arsenal ta fada tsaka mai wuya kan zuwa gasar Turai ta badi

Arsenal ta yi ban kwana da gasar Europa League ta bana, bayan da ta tashi 0-0 da Villareal a Emirates ranar Alhamis.

A wasan farko da suka fafata a makon jiya a Spaniya a wasan daf da karshe, Villareal ce ta yi nasara da ci 2-1, kungiyar Spaniya ta kai zagayen gaba da kwallo 2-1 kenan gida da waje.

Arsenal wadda ta sa ran kai wa wasan karshe don lashe Europa League na bana ta shiga tsaka mai wuya ganin tana mataki na tara a kan teburin Premier League na bana.

Arsenal wadda ta yi shekara 20 tana zuwa Champions League a jere ta koma buga Europa League, wanda sai ta yi da gasr ta samu shiga gasar badi.



Read full article