Line up of di housemates wey dey up for eviction
Six housemates from di 'Shine Ya Eye' Big Brother Naija reality TV show don dey up for possible eviction dis Sunday.
Di housemate wey dey qualify to nominate pipo bin nominate Arin, Emmanuel, NiNIN, Princess, Saga, Tega to leave di house.
But di new Head of House, Pere save Saga and replace am with Sakay.
Dis one mean say now dis five go join pipo wey dey up for possible eviction on Sunday.
Nomination for di Sunday eviction take place today evening afta di Head of house challenge wey Pere win.
Di head of house plus di new housemates wey be; Michael, Kayvee, Jumoke and Queen dey immune from di nomination.
How di Nomination be?
Big Brother call di housemates one by one inside di diary room for dem to call di two names of pesin wey dem want to see say dey up for eviction.
Boma: Boma nominate Saskay and Princess
Cross: Cross nominate Princess and Tega
Saga: Saga nominate Princess and Tega
WhiteMoney: WhiteMone nominate Arin and Jaypaul
Ninin: Nini nominate Princess and Emmanuel
Jacky B: Jacky B nominate Saga and Nini
Sammie: Sammie nominate Tega and Princess
JayPaul: JayPaul nominate Maria and Peace
Liquorose: Liquorose nominate Saga and Arin
Arin: Arin nominate Emmanuel and Tega
Yousef: Yousef nominate Boma and Arin
Princess: Princess nominate Saga and Arin
Peace: Peace nominate Tega and Princess
Emmanuel: Emmanuel nominate Arin and Angel
Tega: Tega nominate Nini and Arin
Angel: Angel nominate Princess and Emmanuel
Maria: Maria nominate Arin and Angel
Meanwhile, former housemate like Beatrice, Yerins and Niyi don comot from di house last Sunday.
Dis na as dem get di lowest votes out of di five pipo wey bin dey up for eviction.
Pere make Maria im deputy Head of House, meaning both of dem dey immune from eviction dis week.
Read full article