Real Madrid ta ziyarci Real Betis domin buga wasan mako na uku a gasar La Liga da za su kara ranar Asabar.
Za su kara ne a filin wasa da ke Benito VillamarĂn, kuma wasa na uku da Real za ta yi a waje, bayan Alaves da Levante.
Real ta fara cin Alaves 4-1 a wasan makon farko da bude La Liga ta bana, sannan ta tashi 3-3 a gidan Alaves a makon jiya.
Real Madrid ta doke Betis har gida da ci 3-2 a bara ranar 26 ga watan Satumbar 2020, sai dai sun tashi 0-0 a gidan Real ranar 24 ga watan Afirilun 2021 a fafatawar La Liga gida da waje.
'Yan wasan da Carlo Ancelotti ya je da su Betis:
Masu tsaron raga: Courtois da Luis Lopez da kuma Fuidias.
Masu tsaron baya: Carvajal da Militao da Alaba da Vallejo da kuma Miguel.
Masu buga tsakiya: Casemiro da Valverde da Lucas V. da Isco da kuma Blanco.
Masu cin kwallaye: Hazard da Benzema da Asensio da Jovic da Bale da Vini Jr. da kuma Rodrygo.
Read full article